ଅତାବିରାରେ ଶିକ୍ଷା ବିଭାଗ ପକ୍ଷରୁ ଡିଜିଗୋଭ୍ ତାଲିମ ଉଦଘାଟିତ
ସରଣ୍ଡା, 25/7(ଯୁଧିଷ୍ଠିର ମହାପାତ୍ର ) ବରଗଡ଼ ଜିଲା ଅତାବିରା ଶିକ୍ଷା ବିଭାଗ ପକ୍ଷରୁ ଗୁରୁବାର ଅତାବିରା ଉଚ୍ଚ ବିଦ୍ୟାଳୟଠାରେ ଡିଜିଗୋଭ୍ ତାଲିମ ଉଦଘାଟିତ ହୋଇଯାଇଛି l ଏହି ତାଲିମ ଦୁଇଦିନ ଧରି ଚାଲିବ । ସକାଳ ୧୦ ଘଟିକାରୁ ଅପରାହ୍ନ ୪ ଘଟିକା ପର୍ଯ୍ୟନ୍ତ ଅତାବିରା ଉଚ୍ଚ ବିଦ୍ୟାଳୟ ଠାରେ ଗୋଷ୍ଠୀ ଶିକ୍ଷା ଅଧିକାରୀ ସୁଶ୍ରୀ ମିଶ୍ରାଣୀ କୁମ୍ଭାରଙ୍କ ତତ୍ତ୍ଵାବଧାନରେ ଡିଜିଗୋଭ୍ ତାଲିମ କାର୍ଯ୍ୟକ୍ରମ ଆୟୋଜନ କରାଯାଇଛି । ଏଥିରେ ସାଧନା କର୍ମୀ ଭାବେ ସି.ଆର.ସି.ସି. ନନ୍ଦିଘୋଷ ଭୁଏ, ଧରମ ନାଏକ, କୃତାର୍ଥ ଚନ୍ଦ୍ର ଭୁଏ, ଜୟଦେବ ନାଏକ ଏକାଉଣ୍ଟେନ୍ ଅମିତ୍ ସାହୁ, ଗଣପତି ସାହୁ ଯୋଗଦାନ କରିଥିଲେ । ଏହି ତାଲିମରେ ସରକାରୀ ଅନୁଦାନ ପାଉଥିବା ସମସ୍ତ ବିଦ୍ୟାଳୟର ପ୍ରଧାନଶିକ୍ଷୟିତ୍ରୀ ଶିକ୍ଷକ ଏବଂ ବିଦ୍ୟାଳୟ ପରିଚାଳନା କମିଟିର ଚେୟାରମେନ ଗଣ ଯୋଗଦାନ କରିଥିଲେ । ଏହି ତାଲିମ ରେ ଡିଜିଗୋଭ୍ ସଫ୍ଟୱେର ରେ ଆସୁଥିବା ସରକାରୀ ଅନୁଦାନ କିପରି ବ୍ୟୟ କରିବେ, ଭେଣ୍ଡର କିପରି ଯୋଡ଼ିବେ ଏବଂ ଅନୁଦାନ ସଂପର୍କରେ ସବିଶେଷ ଆଲୋଚନା କରାଯାଇ ଥିଲା ।
