୧୫ ତାରିଖ ଭବ୍ୟ ସାଂସ୍କୃତିକ ଶୋଭାଯାତ୍ରା ସହ ଆରମ୍ଭ ହେବ ଧନୁଯାତ୍ରା ମହୋତ୍ସବ
୧୫ ତାରିଖ ଭବ୍ୟ ସାଂସ୍କୃତିକ ଶୋଭାଯାତ୍ରା ସହ ଆରମ୍ଭ ହେବ ଧନୁଯାତ୍ରା ମହୋତ୍ସବ
୧୩ ରେ ରଙ୍ଗୋଲି ପ୍ରତିଯୋଗିତା,
୧୪ ରେ ଚିତ୍ରାଙ୍କନ ପ୍ରତିଯୋଗିତା,
୧୮ ରେ ଚିତ୍ରକଳା ପ୍ରତିଯୋଗୀତା
ଧନୁଯାତ୍ରା ପ୍ରଚାର ପ୍ରସାର କମିଟି ର ବିଭିନ୍ନ ସବ କମିଟି ଗଠିତ ବରଗଡ, ୯/୧ (ସଂସ୍କୃତି ମିଡ଼ିଆ ବ୍ୟୁରୋ )-ଚଳିତ ବର୍ଷ ବରଗଡ ବିଶ୍ଵ ପ୍ରସିଦ୍ଧ ଧନୁଯାତ୍ରା ମହୋତ୍ସବ ଆୟୋଜନ ର ପ୍ରଚାର ପ୍ରସାର କୁ ଆହୁରି ସୁ-ସଂଗଠିତ ଭାବରେ କରିବାକୁ ସୋମବାର ଧୁନଯାତ୍ରା ପ୍ରଚାର ପ୍ରସାର କମିଟି ର ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଅଛି। ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ତଥା ଧନୁଯାତ୍ରା ପ୍ରଚାର ପ୍ରସାର କମିଟି ର ଆବାହକ କଲ୍ୟାଣୀ ଦାଶ ଙ୍କ ସଭାପତିତ୍ବ ଓ କାର୍ଯ୍ୟକାରୀ ସହ ଆବାହକ ରବି ପଣ୍ଡା ଙ୍କ ସଂଯୋଜନା ରେ ଅନୁଷ୍ଠିତ ଏହି ବୈଠକରେ ପ୍ରଚାର ପ୍ରସାର କୁ ସଙ୍ଗଠିତ ଭାବରେ କରିବା ପାଇଁ ବିଭିନ୍ନ ସବ କମିଟି ମାନ ଗଠିତ ହୋଇଥିଲା । ଏଥିରେ ସାଂସ୍କୃତିକ ଶୋଭାଯାତ୍ରା , ରଙ୍ଗୋଲି , ଚିତ୍ରାଙ୍କନ ପ୍ରତିଯୋଗୀତା, ଚିତ୍ରକର ମାନଙ୍କୁ ନେଇ ଚିତ୍ରକଳା ପ୍ରତିଯୋଗିତା , ଭିଡିଓଗ୍ରାଫି, ଫଟୋଗ୍ରାଫି, ପ୍ରଚାର ପାଇଁ ହୋର୍ଡିଂ ଓ ପୋଷ୍ଟର ବ୍ୟବସ୍ଥା ଆଦି ସବ କମିଟି ମାନ ଗଠିତ ହୋଇଥିଲା । ଆଜିର ବୈଠକ ଧନୁଯାତ୍ରା ପ୍ରଚାର ପ୍ରସାର କମିଟି ର ତୃତୀୟ ବୈଠକ ହୋଇଥିବା ବେଳେ ବିଭିନ୍ନ ବିଭାଗ ର ସବ କମିଟି ମାନ ଗଠନ କରାଯାଇ ଦାୟିତ୍ୱ ବଣ୍ଟନ କରାଯାଇଛି l ସାଂସ୍କୃତିକ ଶୋଭଯାତ୍ରା ରେ ଜିଲ୍ଲା ଓ ଜିଲ୍ଲା ବାହାରର ପ୍ରାୟ ୨୨ ଗୋଟି ସାଂସ୍କୃତିକ ଦଳ ଯୋଗ ଦେବାର କାର୍ଯ୍ୟକ୍ରମ ରହିଛି ।
ଆଜିର ବୈଠକ ର ନିଷ୍ପତି ଅନୁଯାୟୀ ଆସନ୍ତା ୧୩ ରେ ରଙ୍ଗୋଲି ପ୍ରତିଯୋଗିତା, ୧୪ ରେ ଚିତ୍ରାଙ୍କନ ପ୍ରତିଯୋଗିତା, ୧୮ ରେ ଚିତ୍ରକଳା ପ୍ରତିଯୋଗୀତା ର ଆୟୋଜନ କରାଯିବ ।
ଆସନ୍ତା ୧୫ ତାରିଖ ଦିନ ଅପରାହ୍ନ ୨ ଘଂଟା ସମୟ ରେ ଭବ୍ୟ ସାଂସ୍କୃତିକ ଶୋଭାଯାତ୍ରା ଗାନ୍ଧୀ ଛକ ରୁ ବାହାରି ବରଗଡ ର ଅଧିଷ୍ଠାତ୍ରୀ ଦେବୀ ମା ସମଲେଶ୍ଵରୀ ଙ୍କ ମନ୍ଦିରରେ ପହଞ୍ଚିବ । ସେଠାରେ ଧନୁଯାତ୍ରା ମହୋତ୍ସବ ସମିତି ର କର୍ମକର୍ତ୍ତା ଙ୍କ ପୂଜାର୍ଚ୍ଚନା ପରେ ଶୋଭାଯାତ୍ରା ହାଟପଦା ଠାରେ ରାଜ ଦରବାର ଠାରେ ପହଞ୍ଚି ୭୬ ତମ ବରଗଡ ବିଶ୍ଵ ପ୍ରସିଦ୍ଧ ଧନୁଯାତ୍ରା ମହୋତ୍ସବ ର ଆନୁଷ୍ଠାନିକ ଉଦଘାଟନ ହେବ । ପ୍ରତ୍ୟେକ କମିଟି ସେମାନଙ୍କ ର ଦଳର ସଦସ୍ୟମାନଙ୍କୁ ନେଇ ସଙ୍ଘବଦ୍ଧ ଭାବରେ କାର୍ଯ୍ୟ କରିବl ତଥା ସୁଚାରୁ ରୂପେ ସମ୍ପାଦନ କରିବା ପାଇଁ ପ୍ରଚାର ପ୍ରସାର କମିଟି ର ଆବାହିକା ଅନୁରୋଧ କରିଛନ୍ତି।
